كورس تعلم اساسيات البرمجه من الصفر بللغة " C & C++ " + رابط تحميل ال Visual Studio Express 2010

السلام عليكم

ده رابط كورس " مقدمة ف البرمجه "
مقدم من الدكتور محمد الدسوقي

بيشرح اساسيات مع تطبيق لشوية برامج بسيطه نوعاً ما

بإستخدام للغة برمجه c & c++

انا برشح الكورس ده يعنى طبعا مفهوش كل حاجة بس هو اساس تبدء وتنطلق منه بعد كده لو حابب

بنسبة لل Visual Studio Express 2010

البرنامج الى بيستخدمه علشان يكتب الاكواد وكده
ويسمى ايضاً ب ال " IDE "
وهى اختصار ل
Integrated Development Environment

http://gslink.co/eK97

وطريقة التسطيب كالتالى

لو انت عندك ويندوز 10

الملف صيغته .iso على شكل cd يعنى

هتدوس عليه كليك يمين وتدوس على كلمة mount

هتفتح My Computer هتلاقى شكل علامة " انفنتي " ظهرت لونها ازرق ف بنفسجى

كانك حطيت اسطوانة هتفتحه

هيظهر معاك كذا حاجة هتختار منها Visual Studio C++ Express

لو اى ويندوز تانى

هتدوس كليك يمين لو عندك برنامج " Winrar " بتاع الملفات المضغوطه

هيظهرلك Extract Here هتدوس عليها

وبعدين تفتح ملف التسطيب من الملف الى هيطلع وتمشى بنفس الخطوات الى فوق

وفى برنامج تانى اسمه " ZIP " ممكن تنزله وهيخليك تفتح الملف من غير ما تفك الضغط بتاعه وتفتح ملف التسطيب .

دمتم بخير ,